Zjarri i nisur prej disa ditësh në fshatrat e Pukës, Gojan–Gjegjan–Tërbun ka shkaktuar dëme të konsiderueshme në masivet e gjelbra. Sipas Ministrisë së Mbrojtjes, këtë të hënë janë dislokuar edhe 40 efektivë të FA dhe 1 helikopter. Situata është vënë nën kontroll dhe nuk paraqitet rrezik për banesat, ndërsa vatra në Prozhëm vijon aktive dhe po punohet për izolimin e saj. Emergjencat informojnë se gjatë 24 orëve të fundit, në territorin e vendit janë raportuar 33 vatra zjarri, nga të cilat 6 vijojnë aktive dhe 10 mbahen nën mbikëqyrje. Në qarkun Dibër vijojnë aktive vatrat në Ballenjë dhe Qafë të Helmës, ndërsa vatra në Bërshi mbahet nën mbikëqyrje. Në Mirditë, vatra në Shtuf vijon aktive, ndërsa vatrat në Lufaj dhe Tenë janë izoluar dhe mbahen nën monitorim Në Malin e Dajtit vijon ndërhyrja ndaj vatrave ende aktive, ndërsa nuk raportohet rrezik për zonat e banuara. Angazhimi operacional sipas ministrisë vijon në në disa qarqe, me fokus të veçantë në Tiranë, Dibër, Lezhë, Shkodër dhe Durrës.