Dhjetë ditë pas atentatit ndaj kandidatit republikan Donald Trump, drejtoresha e shërbimit sekret Kimberly Cheatle dha dorëheqjen. Ajo e bëri të ditur largimin nga detyra përmes një mesazhi drejtuar punonjësve raporton Assoicadet Press. Pas përpjekjes për vrasjen e ish-presidentit Donald Trump pati reagime në rritje ndaj dështimit të agjencisë e cila siguron mbrojtjen e presidentëve dhe ish-presidentëve. Cheatle, e cila shërbente në detyrën e drejtores së Shërbimit Sekret që nga gushti 2022, u përball me thirrje në rritje për të dhënë dorëheqjen, si dhe disa procese hetimore për rrethanat se si autori i atentatit arriti t'i afrohej kaq shumë kandidatit republikan për president në një tubim elektoral në Pensilvani. "Marr përgjegjësinë e plotë për dështimet e sigurisë", tha ajo në email-in drejtuar personelit të martën. Dështimin e agjencisë e pranoi dhe në përpara një komisioni të kongresit ku u kritikua nga ligjëvnësit demokratë e ata republikanë për mënruyrën se si e ka drejtuar këtë institucion. Por edhe pse mori mbështetjen e presidentit Biden për të vijuar detyrën, ajo vendosi të tërhiqej. Detyra deri në zgjedhjen e emrit të ri të agjencisë së shërbimit secret do e mbaj zv/drejtori.