Kreu i PD, Sali Berisha hamendësoi se gratë që janë të përfshira në hetimet e SPAK po përpiqen t’i shpëtojnë drejtësisë duke mbetur shtatzënë, duke ironizuar se gjeti edhe një mini-maternitet brenda në SPAK. Deklarata e Berishës u bë pas zbatimit të masës së sigurisë detyrim paraqitje në SPAK. Disa orë pas tij për të njëjtën arsye u paraqit Monika Kryemadhi, që iu përgjigj hamendësimeve të kreut të PD. “Unë ju garantoj që me barrë nuk ngel. Këtë e them. Sigurisht që njerëzit, për të gjetur mënyra dhe rrugë të ndryshme procedurale, edhe mund të jenë thashetheme, edhe mund të jenë të vërteta. Sa herë vjen në jetë një foshnje, është një gjë e mirë se është një qytetar më shumë për Shqipërinë në këtë kohë që shpopullohet. Ndoshta, duke ditur që po shpopullojnë Shqipërinë, po ngrenë një mini-maternitet”