Greqia është tronditur nga dy tërmete të forta në orët e fundit, Lëkundja sizmike me magnitudë 4.9 ballë të shkallës Rihter u regjistrua të martën në zonën e Skiathos, ndërsa një tjetër lëkundje me prej 4.7 Rihter ishte shënuar pak minuta më herët. Sipas Institutit Gjeodinamik të Observatorit Kombëtar të Athinës, epiqendra e tërmetit të parë ishte në perëndim-veriperëndim të ishullit, me thellësi rreth 12 kilometra. Por në orën 16:07 u shënua një tjetër tërmet më i fortë, me magnitudë 4.9 Rihter. Epiqendra e kësaj lëkundjeje u lokalizua rreth 8 kilometra në perëndim të Skiathos, me thellësi 14.1 kilometra. Tërmetet u ndjenë deri në qytetin e Volosit, por edhe në disa zona të Atikës, duke shkaktuar shqetësim te banorët. Megjithatë, deri më tani nuk ka raportime për dëme materiale. Instituti Gjeodinamik tha se gjatë 24 orëve të fundit janë regjistruar dhjetëra lëkundje sizmike në këtë zonë, ndërsa më të fortat mbeten ato prej 4.7 dhe 4.9 Rihter.