Ngjarja e rëndë e regjistruar në shtetin amerikan të Utah-s, ku tetë pjesëtarë të një familjeje u gjetën të vrarë në shtëpinë e tyre, tronditi komunitetin lokal dhe tashmë edhe është zbardhur. Sipas mediave amerikane, bëhet fjalë për një 42 vjecar që ekzekutoi shtatë anëtarët e familjes e më pas edhe vrau veten pas kërkesës për divorc nga bashkëshortja e tij. Familja me tetë anëtarë u gjet e vdekur brenda një shtëpie rurale në Enoch City të mërkurën në mbrëmje gjatë një kontrolli. Policia thotë se viktimat përfshinin gruan, pesë fëmijët dhe vjehrrën e tij si dhe vetë agresorin. Qyteti me rreth 8 mijë banorë u trondit pas ngjarjes duke qenë se viktimat ishin të njohur për shumëkënd. Autori i ngjarjes, 42 vjecari Michael Haight, shitës siguracionesh, kishte qëlluar me armë gruan e tij 40 vjecare, vjehrrën 78 vjec si edhe pesë fëmijët, të moshës nga 4 deri në 17 vjec para se të vriste veten. Të shtënat sidoqoftë nuk ishin dëgjuar nga askush por masakra u zbulua pasi dikush kishte raportuar në polici për gruan, e cila kishte munguar në një takim të planifikuar më herët, cka edhe coi oficerët për një kontroll në shtëpi. tashmë është bërë e ditur se 40 vjecarja kishte paraqitur kërkesën për divorc në 21 dhjetor dhe duket se kjo kishte shtyrë bashkëshortin të ndërmerrte aktin tragjik.