Elon Musk dhe mamaja e tre fëmijëve të tij, Grimes, do të takohen në gjykatë. Kjo pasi këngëtarja britanike, emri i vërtetë i të cilës është Claire Bouchet, CEO i Teslas nuk e lejton të takojë fëmijët që kanë së bashku, të cilët jetojnë me miliarderin amerikan. Grimes paraqiti një peticion në një gjykatë në Kaliforni më 29 shtator, ku kërkoi të krijojë marrëdhënie prindërore me tre fëmijët e saj. Ky peticion është një mënyrë ligjore për të zbuluar se cilët janë prindërit e fëmijëve, kur ata janë të pamartuar. Disa ditë më parë 35-vjeçarja shkroi në rrjetet sociale një mesazh, ku i kërkonte Musk ta lejonte të takonte fëmijët, ose t’i përgjigjej avokatit të saj. “Nuk më kanë lejuar asnjëherë të shoh asnjë foto të këtyre fëmijëve deri më tani, pavarësisht se situata po më copëton tërësisht familjen”, shkroi ndër të tjera këngëtarja kanadeze. Grimes, e cila nuk ishte martuar kurrë me Elon Musk, po krijon qartë një situatë ku një gjyqtar do të përcaktojë të drejtat e kujdestarisë, si dhe mbështetjen e fëmijëve. Nëse Grimes nuk rezulton të jetë një prind i papërshtatshëm, ajo pothuajse me siguri do të ketë disa të drejta kujdestarie. Gjyqtarët në këtë rast zakonisht japin kujdestarinë e përbashkët, edhe pse kjo nuk do të thotë domosdoshmërisht 50/50.