Ministri i Policisë së Madagaskarit Serge Gelle ka notuar 12 orë për të arritur në breg pasi helikopteri i tij u rrëzua në det. Ngjarja ka ndodhur të marten teksa mësohet se ministri është në gjendje të mirë shëndetësore. Dy zyratrë të tjerë sigurie që udhëtonin me të në helikopter, mbijetuan po ashtu. Ekipi po mbikqyrte një zonë në veri lindje të vendit ku një anije pasagjerësh ishte mbytur. Të paktën 39 persona humbën jetën në atë aksident. Në tëitter, presidenti i vendit shprehu ngushëllimet për viktimat por edhe nderoi ministrin dhe dy zyrtarët e tjerë që mundën të shpëtonin. Nuk është e qartë se cfarë e shkaktoi aksidentin por 57 vjecari Gelle tha se ai kishte notuar nga ora 19.30 e mbrëmjes deri në 7.30 të mëngjesit për të dalë në breg. Ai tha se nuk ishte lënduar por ndjente shumë ftohtë. Gelle ka shërbyer në polici për tre dekada para se të emërohej në gusht si ministër.