Kryeministri Edi Rama në një takim ku ishte në fokus kontrolli I strukturave shtetërore në territor sa i takon ndërtimeve pa leje, tha se policia duhet të kapë në flagrancë ato ndërhyrje që janë në shkelje të hapur me ligjin, duke i referuar në IKMT për të vepruar. Rama mori shembull rastet kur policia ka ndërhyrë edhe duke gjobitur për një rregullim çatie apo mur të ndërtuar pa leje, por nuk ka zellin të shkojë te ndërtimet në buzë të rrugës, sidmos në zonat bregdetare. Kryeministri kërkoi nisjen e menjëhershëm të operacionit të kontrollit në vijën bregdetare për ndërtimet pa leje. Rama tha se kjo duhet të ndodhë tani dhe jo në mes të sezonit. Kreu i qeverisë u shpreh se me ndryshimet ligjore rrezikon burg edhe inxhinieri, arkitekti dhe mbikëqyrësi i punimeve nëse bëhet palë me investitorin. Në të njëjtin linjë me kreun e qëverisë ishte dhe Ministri I Brendshëm Bledi Çuçi, I cili paralajmëroi se ndërtuesit pa leje do dënohen deri në 15 vite burg dhe së do hartohet plani i kontrollit me hartën e lejeve të ndërtimit në vend.