Maxhoranca socialiste kërkon masë disiplinore ndaj deputetëve që mbrëmjen e të enjtes bllokuan foltoren por edhe ulëset e kryetares së Kuvendit dhe këshillit të ministrave, në formë proteste për shkak se nuk u kalua në seancë plenare votimi i zëvendësimit të anëtarëve të komisionit të Reformës zgjedhore. Në të tillë situatë, socialistët kërkojnë masë për deputetët Elda Hoti, Albana Vokshi, Bledion Nallbati, Zheni Gjergji, Lefter Gështenja, Asllan Dogjani, Luan Baçi dhe Gazment Bardhi. Lidhur me këtë ka reaguar deptueti demokrat Saimir Korreshi, pjesë e Sekretariatit të Etikës në Kuvendin e Shqipërisë. Ai e konsideron të padrejtë njoftimin vetëm 51 minuta para se të mbahet mbledhja, e anëtarëve të këtij sekretariati. Për këtë ai nuk i kursen thumbimet. “Alloooooo mazhorancaaa nuk flem ne Bllok si ju. Ate helikopter qe ka ngel na e dergoni nese spo e perdor shoku Edvin per ne Dhermi.”, shkruan ndër të tjera Korrresh, i cili si deputet i Lushnjës, edhe banon në atë qytet.