Ashtu si në të gjithë rajonin edhe në Kosovë, situata e pandemisë së koronavirusit vazhdon të mbetet e rëndë, por fatmirësisht nuk është përkeqësuar. Gjatë 24 orëve të fundit në Kosovë janë shënuar 14 humbje jete nga covid 19, duke çuar në 989 numrin e viktimave që nga fillimi i pandemisë. Numri më I lartë I vdekjeve ka qenë në komunën e Prizrenit ku ka pasur 4 humbje jete. Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private, janë testuar gjithsej 1.565 mostra, prej të cilëve rezultojnë 639 raste pozitive. Numri total i rasteve pozitive është 38.431 Gjatë 24 orëve të fundit, janë shëruar 480 pacientë derisa numri i përgjithshëm i të shëruarve deri më tani është gjithsej 23.754 raste, kurse numri i rasteve aktive është 13.688. Rastet pozitive janë më së shumit në komunën e Prishtinës 243 raste, Mitrovicë 60 raste, Pejë 41 raste, Fushë-Kosovë 36 raste, Gjakovë 35 raste, etj.