Seanca e Kuvendit të Maqedonisë së Veriut për miratimin e “propozimi francez”, u shty për të premten për shkak të debatit të ashpër. Deputetët e qeverisë dhe opozitës u përplasën ashpër duke diskutuar për zgjidhjen e kontestit me Bullgarinë ndërkohë që protestuesit e mbledhur nga opozita kanë rrethuar ndërtesën. Qeveria maqedonase e ka mbështetur propozimin, por opozita organizon protesta prej dy javësh. Miratimi i propozimit në Kuvend do të nënkuptonte mbajtjen e konferencës së parë ndërqeveritare mes Shkupit, Shqipërisë dhe Brukselit. Partitë shqiptarë janë po ashtu pro propozimit dhe kanë bërë thirrje për miratimin e tij nga deputetët e opozitës. Lideri i BDI-së Ali Ahmeti deklaroi se me këtë propozim vuloset e ardhmja e venditdrejt Evropës. Pika e propozimit që ka nxitur më së shumti debat, është ajo e gjuhës maqedonase, e cila kontestohet nga Sofja, me pretendimin se para vitit 1945 ajo ka pasur “rrënjë bullgare”, sikurse edhe e kaluara e shumë figurave historike, identiteti i të cilave pretendohet nga të dyja shtetet. Presidentja e Komisionit Evropian Ursula von der Leyen iu drejtua të enjten deputetëve të Maqedonisë së Veriut duke u kërkuar të zhbollojnë procesin e negociatave jo vetëm për Shkupin por edhe për Tiranën. Von der Leyen e cila vendosi të shkojë në Shkup për të shprdheur mbështetjen e saj për qeverinë, inkurajoi ligjvënësit maqedonas që ta mbështesin propozimin francez I cili sipas saj respekton identitetin e maqedonasve.