Teksa pak muaj na ndajnë nga shfaqja e projektit filmik më të kërkuar të momentit, disa detaje të rëndësishme kanë dalë në pah. Ndërkohë në faqen zyrtare të Top Channel Films në Instagram është zbuluar përveç dy aktorëve protagonistë, disa personazhe të tjerë, si Sara Hoxha, Ndriçim Xhepa, Ylber Bardhi, Luan Jaha, Olta Daku, Roerd Toçe, Besmir Bitraku, Zamira Kitën, Sotiraq Bratkon, Aleksandër Grami, Eni Shehu, Dea Mishel Hoxha, Salsano Rapi, Myzafer Zilfaj, Xhuljano Brisku, Megi Pojani dhe Sara Kolami. Një detaj që nuk ka shpëtuar pa u vënë re është se poshtë emrave të aktorëve janë vendosur tre pika, duke treguar vazhdimësi. “Në kuadër të dashurisë” është një komedi romantike, ku miksohet ndjenjat e forta, me të qeshura dhe lot. Filmi shfaq një histori dashurie në kohët moderne që ndërlidh jetët e dy njerëzve dhe të familjeve të tyre.