Teleskopët në mbarë botën kanë vëzhguar një valë gjigande radioje që vjen nga një objekt i shndritshëm, kuazar, që daton në 1 miliard vitet e para të universit. Kuazari është një lloj i rrallë galaktike jashtëzakonisht e ndritshme me një vrimë të zezë tejet masive në qendër. Sa dyfishi i shtrirjes së galaktikës tonë, Rruga e Qumështit, kjo valë radioje është më e madhja e zbuluar ndonjëherë në historinë e universit, thanë astronomët. Valë të tilla radioje nuk janë diçka e rrallë në hapësirën kozmike. Por kanë qenë të pakapshme në universin e largët të hershëm, deri më tani, për shkak të sfondit të errët të mikrovalëve të mbetura nga fenomeni i krijimit, që quhet Big Bang. “Arsyeja pse mund të vëzhgohet nga Toka, edhe pse është kaq larg, është madhësia ekstreme e objektit”, thonë shkencëtarët. Observatorët në Evropë, Havai dhe Teksas kontribuuan në studimin e publikuar në “Astrophysical Journal Letters”. Vala e radios vlerësohet të ketë një shtrirje prej të paktën 200,000 vitesh dritë. Një vit dritë është rreth 9.3 trilion kilometra.