Kryeministri Edi Rama ka kërkuar informacion nga homologu i tij malazez, Milojko Spajiç në lidhje me raportimet mediatike të mediave të Podgoricës, që hamendësonin se Shqipëria dhe Serbia kishin nisur një luftë hibride ndaj Malit të Zi për ta penguar këtë të fundit në mbylljen e kapitujve të fundit për anëtarësimin në Bashkimin Europian. Lajmi raportohet nga televizioni publik malazez, RTGC. Sipas informacioneve që RTCG ka marrë nga burime brenda qeverisë, Shqipëria nuk është shteti të cilit i referohej Spajiç. 'Pasi në publik u shfaqën pretendimet se Shqipëria ishte një nga shtetet që përfshihej në paralajmërimin e kryeministrit, kryeministri shqiptar Edi Rama kërkoi shpjegime nga qeveria malazeze për origjinën e këtij informacioni. Nga Podgorica iu bë e ditur se bëhej fjalë për një lajm të rremë. pavërtetë. Pra, "informacioni" mediatik kaloi kufirin dhe u shndërrua në një çështje diplomatike', shkruan media publike malazeze.