Personi që vrau 6 veta në një festë ditëlindjeje gjatë fundjavës, e bëri këtë pasi nuk kishte qenë I ftuar. Sipas policisë, Teodoro Macias, 28 vjec, qëlloi për vdekje të dashurën e tij, Sandra Ibarra-Perez, 28 vjece, si dhe 5 të afërm të saj, dhe në fund veten. Masakra ndodhi në një park rulotash në Kolorado Springs në orët e para të së dielës. Festa po bëhej për tre nga viktimat. Policia tha se autori kishte patur një konflikt me familjen e viktimave gati një javë më parë, dhe se ishte një tip shumë xheloz. Ai kishte një vit që ishte lidhur me të dashurën e tij, ishte posesiv dhe shfaqte shpesh probleme të vetëkontrollit. Ai nuk kishte precedent penal. Sipas policisë, 3 adaoleshentë u larguan nga festa pak përpara se të fillonin të shtënat, pë rte marrë dicka tek një komshi. Kur ata u kthyen masakra kishte ndodhur. Tre fëmijë të moshave 2, 5 dhe 11 vjec, ishin dëshmitarë të ngjarjes, por shpëtuan pa u lënduar. Në rulotë u gjetën 17 gëzhoja. Njëri nga pjesëmarrësit, që ishte larguar më herët nga festa, e përshkroi autorin si një njeri “të qetë” dhe “serioz”, që mbante gjithnjë me vete një pistoletë. Sipas policisë autori e kishte armën pa leje.