Tërheqja e trupave amerikane nga Gjermania duket se është më pak shqetësues për Gjermaninë se sa anulimi i vendosjes së planifikuar të raketave Tomahaëk. Përvec tërheqjes së rreth 5 mijë trupave nga gjermania, administrata Trump ka vendosur të anulojë, të paktën për momentin, vendosjen e planifikuar të raketave amerikane me rreze të mesme veprimi në gjermani. Rrezja e Tomahokëve arrin deri në rusi dhe ekspertët gjermanë besojnë se ky është një problem më i madh se tërheqja e trupave. Ka "raketa ruse nga Kaliningradi që na kërcënojnë", thotë për Dojçe Vele Nico Lange, një ekspert i politikave të sigurisë, i cili nënvizon se Gjermania nuk ka raketa që mund të përbëjnë një "kundërkërcënim". Vendosja e raketave lundruese Tomahaëk me një rreze veprimi deri në 2,500 kilometra u dakordësua në vitin 2024, nën Presidentin e atëhershëm amerikan Joe Biden dhe Kancelarin Olaf Scholz. Ministri i Mbrojtjes Boris Pistorius shpjegoi në atë kohë se qëllimi ishte të krijohej një mundësi veprimi derisa Evropa të mund të prodhonte sistemet e veta. Vendosja e Tomahaëk-ëve fillimisht ishte planifikuar të fillonte në vitin 2026. Megjithatë, Reuters citoi së fundmi një zyrtar të lartë të Departamentit të Mbrojtjes të SHBA-së të thoshte se batalioni për vendosjen e raketave nuk do të dërgohej në Gjermani. Dhe ajo që ekspertët nënvizojnë është se mungesa e këtyre raketave në gjermani, dobëson aftësinë parandaluese të NATO-s.