Presidenti i Italisë, Sergio Mattarella ka nënshkruar dekretin për shpërndarjen e Senatit të Republikës dhe Dhomës së Deputetëve, pasi dëgjoi kryetarët e dy degëve të Parlamentit. Dekreti i nënshkruar prej tij, do t’u dorëzohet Presidentëve të Senatit të Republikës dhe të Dhomës së Deputetëve nga Sekretari i Përgjithshëm i Presidencës së Republikës, Ugo Zampetti. Gjatë fjalës së tij, Mattarella është shprehur se situata politike në Itali është e rëndë dhe se shrpeson në kontriburin e të gjithë faktorëve politikë për të mirën e vendit. Kryeministri italian Mario Draghi dha dorëheqjen të enjten pasi aleatët kryesorë të koalicionit bojkotuan një votëbesim, duke sinjalizuar gjasat për zgjedhje të parakohshme. Draghi i paraqiti dorëheqjen presidentit Sergio Mattarella gjatë një takimi në mëngjes në Pallatin Quirinale. Zyra e Mattarella-s tha se presidenti e kishte “marrë parasysh” dorëheqjen dhe i kërkoi qeverisë së Draghit të qëndronte në mënyrë të përkohshme.