Po udhëtonte me një eskavator të vjedhur në Milano drejt Barit e më pas me traget drejt Shqipërisë, por plani nuk ka shkur sikurse e kishte menduar, pasi ka rënë në prangat e Policisë. Bëhet fjalë për një shtetas shqiptar, i cili kishte vendosur brenda një kamioni, mjetin e vjedhur në veri të shtetit apenin. Pas denoncimit, salla e operacioneve në Pescara filloi kërkimin për një kamion që udhëtonte nga Milano dhe mbante një ekskavator të madh të vjedhur. Agjentët filluan të kërkonin kamionin dhe pikasën transportuesin në zonën industriale të Civitanova, në rajonin e Marche. Aty mbaroi edhe udhëtimi i shqiptarit, emri i të cilit nuk bëhet i ditur nga mediat italiane. Por, nuk dihet se përse shqiptari ka menduar të bëjë një vjedhje të tillë, që ndoshta as në skenarët më të mirë të filmave nuk do mund të ishte në kufijtë e realitetit. Burime të ndryshme thonë se shqiptari kishte një sasi të madhe parash për të marrë nga pronari italian dhe në këmbim të vlerës ka menduar të marrë ekskavatorin nga shitja e të cilit në Shqipëri do të mund të siguronte të ardhurat e munguara.