Një 50 vjecar nga Saranda është arrestuar nga policia kufitare ne Kakavijë, pasi rezultoi se gjate kalimi ne dogane nuk ka deklaruar shumen prej 20 mije eurosh. Ndalimi i tij u bë mbi bazën e e analizës së riskut, për personat që dalin nga territori shqiptarë. strukturat ë policisë kufirare ne Kakavijë kanë kaluar për kontroll në vijën e dytë, mjetin tip kamion që drejtohej nga shtetasi me inicalet A. O., 50 vjeç, banues në Sarandë. Gjatë kontrollit të ushtruar në automjet, shërbimet e Policisë Kufitare, në bashkëpunim me shërbimet doganore, gjetën të fshehura në çantën personale të shtetasit në fjalë, 20 000 euro, që ai nuk i kishte deklaruar. Shuma e parave u sekuestrua në cilësinë e provës materiale. Në përfundim të veprimeve të para të kryera nga specialistët e Seksionit të Hetimit të Krimit Ekonomik e Financiar në Gjirokastër, u procedua penalisht shtetasi 50 vjecar, për veprat penale "Mosdeklarimi i të hollave dhe sendeve me vlerë në kufi" dhe "Pastrimi i produkteve të veprës penale ose veprimtarisë kriminale". Në pikën kufitare të Kakavijës brenda pak ditësh, janë goditur edhe dy raste te tjera të mosdeklarimit të të hollave në kufi.