Pas deklaratave skandaloze dhe të papranueshme të ministres serbe, Snezhana Paunoviç “për spastrim etnik” të Kosovës si dhe akuzave të hedhura gjatë seancës plenare nga deputetët e opozitës së re, të cilët kërkuan shpalljen “non grata” të zyrtares, ka reaguar kryeministri Edi Rama. Në një postim në platformën X, kreu I qeverisë thotë se shteti shqiptar e ka dhënë përgjigjen me deklaratën e ministrit të punëve të jashtme. Ideja se çdo njeri që ka një zë publik, çdo institucion dhe autoritet, u dashka të reagojë për çdo idiotësi të thënë në serbisht, deri edhe nga personazhe që sa pa e thënë idiotësinë vetëm familja e tyre e dinte se ekzistonin, është një ide që tregon se sa pak e respektojnë veten dhe vendin ata që vënë kujën e që kërkojnë edhe hesap pse nuk reagon ky e ai! Ne kemi reaguar përmes ministrit të jashtëm, siç bën një shtet që ka respekt për veten dhe kush kërkon nga ne që të bëhemi kor histerik sa herë del një çyryk në Beograd e flet përçart, ka ngatërruar adresë. Kryeministri Edi Rama ka kritikuar edhe përppjekjet e opozitarëve ër të kthyer, sipas tij, çdo çështje në protagonizëm politik.