I vënë në qendër të kritikave nga kundërshtarët brenda opozitës për marrëveshje me Edi Ramën për të sulmuar apo zhbërë SPAK-un, Berisha ka zgjedhur të përgjigjet nga mbledhja grupit parlamentar të PD. Ish-kryeministri u shpreh i prerë se nuk do të bashkojë në asnjë moment votat me Ramën për asnjë lloj mase ndaj sistemit të drejtësisë, përkundër qëndrimit që mban ndaj Strukturës së Posaçme. SINK Edi Rama përpiqet me propagandën e tij të krijojë një analogji të qëndrimeve të tij prej kryehajduti ndaj prokurorëve me qëndrimet tona. Jo, është krejtësisht tjetër. Njëherë duhet të qartësoj shqiptarët, se kurrë kjo parti nuk do bashkojë votat me Edi Ramën për asnjë lloj mase ndaj sistemit të drejtësisë. Kjo parti ka platformë të qartë, ka shprehur qëndrimet e veta në bindjen më të thellë se Shqipëria nuk mund dhe nuk duhet të ketë prokurori politike. Nga ana tjetër Berisha iu rikthyer parlajmërimeve ndaj kryeministrit Rama për çështjen McGonigal. Ai theksoi se do të firmosë ekstradimin e tij për në Shtetet e Bashkuara, për tu përgjigjur para drejtësisë amerikane.