Gjashtë persona që guxuan të dalin sic i ka bërë nëna në brigjet e një liqeni në itali, kanë marrë gjoba të majme për mos respektim të normave të sjelljes në publik. Ata u pikasën nga policia që po patrullonte plazhet në abbadia lariana, që sidoqoftë ishte e fokusuar tek respektimi i masave të distancimit social. Të gjashtë personat, të gjithë meshkuj të moshës nga 43 deri në 68 vjec, morën gjoba nga 3.333 eurosh. Policia lokale, patrullon plazhet në liqenin e komos më këmbë dhe me barka patrullimi. Autoritetet në rajonin verior të lombardisë vazhdojnë të përpiqen të ndalojnë njerëzit të mblidhen nëpër plazhet lokale këto ditë vere. Rreth 70 persona u gjetën në plazhe, pjesa më e madhe e tyre vizitorë nga amerika e jugut dhe evropa lindore, por edhe nga provincat përreth. Lombardia është goditur më rëndë se cdo rajon tjetër në itali nga covid 19. Edhe pse izolimi po hiqet gradualisht, mbetet e detyrueshme mbajtja e maskës edhe në ambjente të jashtme. Por, italiania Corriere della sera, shkruan se nuk ishte vetëm maska ajo që i mungonte gjashtë nudistëve.