rritën të ardhurat e saj nga gazi...por, vendi nuk është një përfitues lufte – thotë kryeministri norvegjez në një intervistë për AFP. Duke lënë të kuptohet se Norvegjia do të bëhet shpejt një nga donatorët më të mëdhenj në botë për Ukrainën, me një paketë ndihmash të pritshme, kryeministri Jonas Gahr Store hodhi poshtë akuzat për përfitim nga lufta, që sipas tij bëhen nga ata që duan që Oslo të bëjë më shumë për ukrainasit. “Nuk është një nocion që unë e hedh poshtë në mënyrë të prerë”, tha Store të martën, pasi vizitoi një impian gazi natyror të lëngshëm afër Hammerfest në Arktik. Qeveria e tij, po shqyrton një paketë ndihme shumëvjecare që do të shpallet ditët e ardhshme, e që ka si qëllim të ndihmojë ukrainën dhe vendet e varfra të prekura nga pasojat zinxhir të luftës, sic është rritja e cmimit të grurit.