Presidenti Bajram Begaj, përshëndeti vendimin e Republikës Arabe të Sirisë për njohjen e pavarësisë së Kosovës. kreu I shtetit shprehu gjithashtu mirënjohjen për të gjithë ata që kontribuan në mundësimin e kësaj njohjeje me anë të një postimi në rrjetet sociale. “Republika Arabe e Sirisë njohu sot zyrtarisht pavarësinë dhe sovranitetin e Republikës së Kosovës. Me këtë vendim, Siria mbështeti shtetin e Kosovës dhe paqen e stabilitetin në Ballkan. Faleminderit të gjithë atyre që e mundësuan këtë njohje!”, shkroi Begaj në platformën X. Për vendimin reagoi dhe ministrja e Punëve të Jashtme, Elisa Spiropali. “Kosova po përparon në rrugën e forcimit të subjektivitetit të saj ndërkombëtar, falë përpjekjeve të popullit dhe institucioneve të saj për ndërtimin e një shteti demokratik e të zhvilluar, por edhe mbështetjes së miqve e partnerëve, të cilët e kanë ndihmuar procesin e saj të njohjes dhe shtetndërtimit.”, shkroi në platformën X Spiropali ndërsa shprehu falenderime me këtë rast edhe për Princin e Kurorës së Arabisë Saudite, Mohammed bin Salman Al Saud për mbështetjen e dhënë në kurorëzimin e kësaj njohjeje. “Jam e bindur se njohje pas njohjeje, Republika e Kosovës do të sigurojë