‘Sa të rrosh, do të mësosh’, është një shprehje frazeologjike e cila inkurajon çdokënd për të ndjekur dijen. Vetë dija është një prej elementëve më të shenjtë, sanksionuar edhe në librat fetar. Mishërimi më I mire I kësaj shprehje frazeologjike, por edhe mësimeve të shenjta, është 74-vjeçari Skënder Cena, i cili pavarësisht moshës, nuk ka hequr dorë nga dëshira për të patur një diploma në dorë. I datëlindje 8 nëntor 1951, Skënder Cena është maturanti më i moshuar I cili është bërë pjesë e maturës shtetërore, për të bërë ëndrrën e tij realitet për të patur në dorë një diploma që çertifikon njohuritë. Ai u paraqit mëngjesin e të martës në dyert e Shkollës se Mesme Profesionale Kamëz. Ai u regjistrua për të hyrë në provimin e gjuhës së huaj që do të zhvillohet me 3 qershor dhe më pas për të marrë diplomën e maturës shtetërore, në degën “shërbime mjetesh transporti”. 74-vjeçari mësohet se ka përmbyllur procesin mësimor, cikli part time në vitin 2016, por nuk kishte arritur të merrte provimin e gjuhës së huaj, anglisht, për çka ai është kthyer 9 vite më vonë për të tentuar që ta marrë me note kaluese, si mënyra e vetme për të marrë në dorë diplomën e kaq shumë dëshiruar prej tij.