Bie në prangat e policisë personi i tretë i operacionit të koduar laboratori. Gjatë orëve të para të mëngjesit është arrestuar pronari që kishte përshtatur banesën si laborator për të kultivuar drogë, i cili ishte shpallur në kërkim. Specialistët për Hetimin e Narkotikëve në Drejtorinë Vendore të Policisë Fier kapën dhe ndaluan shtetasin e shpallur në kërkim me inicialet A. K., 53 vjeç, banues në Mbrostar Ura. Banesa e kthyer në laborator droge u zbulua në fillim të muajit maj, kur policia vuri në pranga 2 autorë të dyshuar, u shpallën në kërkim 2 të tjerë dhe u proceduan penalisht 3 elektricistë. Ndërsa këtë të premte u bë e mundur kapja e njërit prej autorëve të shpallur në kërkim, i cili kishte përshtatur banesën si laborator për të kultivuar drogë. Nga të dhënat e Policisë është edhe një tjetër person i shpallur në kërkim, aksionet për kapjen e të cilëve vijojnë.