Kreu i grupit ushtarak privat Vagner aq sa është i dobishëm në luftën e Ukrainës për Kremlinin aq dhe po irriton elitat, pasi është jashtëzakonisht ambicioz dhe provokues. Yevgeny Prigozhin, i cili po lufton pa mëshirë në Ukrainë, shfaq ambicie politike gjithnjë e në rritje, duke krijuar armiq të mëdhenj. Me luftën në Ukrainë, ku trupat e tj kanë arritur fitore të rëndësishme, ai bëri një hyrje të zhurmshme në skenën politike ruse. Sipas analistëve perëndimorë, asnjë individ jozyrtar nuk ka qenë ndonjëherë kaq i rëndësishëm në aktivitetet ndërkombëtare të Rusisë. Por pozicioni i tij është i brishtë. Tatjana Stanovaya, eksperte për Rusinë në Fondacionin Amerikan Carnegie për Paqen Ndërkombëtare u shpreh se ai lavdërohet dhe demonizohet në të njëjtën kohë.