Humbja e ministrit të Brendshëm, Denys Monastyrsky, do të jetë një goditje e madhe për Ukrainën në luftën që është duke e përjetuar tani. Monastyrsky, i cili ndërroi jetë në moshën 42-vjeçare në një aksident me helikopter pranë Kievit, është zyrtari më i lartë ukrainas që ka humbur jetën që nga fillimi i luftës pothuajse një vit më parë. Ukraina humbi në këtë ngjarje tragjike njeriun kyc që kontrollonte pjesën më të madhe të operacioneve ushtarake në vend dhe një shtyllat kryesore të mbrojtjes përballë Rusisë. Megjithatë, ai nuk kishte qenë anëtar i vjetër i qeverisë ukrainase. Ai u bë ministër i brendshëm i vendit në korrik 2021, vetëm gjashtë muaj para se Rusia të pushtonte vendin. I lindur në vitin 1980 në Khmelnytskyy, në jugperëndim të Ukrainës, Monastyrsky ishte një figurë e shquar në kohën e luftës. 43-vjeçari mori detyrën në korrik të vitit 2021, por përpara se të fillonte karrierën e tij politike ai ka punuar si avokat.