Shefi i fondit të pasurisë sovrane të Rusisë, Kirill Dmitriev, do të takohet me delegacionin amerikan në Arabinë Saudite të martën për t'u fokusuar në forcimin e lidhjeve dhe rritjen e bashkëpunimit ekonomik, tha një burim në Riad për agjencinë e lajmeve Reuters. Takimi që përfshin Dmitriev është konfirmimi i parë që ish-bankieri i Goldman Sachs i arsimuar në SHBA do të përfshihet në bisedimet me Shtetet e Bashkuara. Sekretari amerikan i Shtetit, Marco Rubio do të shkojë në Arabinë Saudite për të takuar zyrtarët rusë së bashku me këshilltarin e Trumpit për sigurinë kombëtare, Mike Ëaltz dhe të dërguarin e Shtëpisë së Bardhë për Lindjen e Mesme, Steve Ëitkoff. Dmitriev, 49 vjeç, është një bankier investimesh që studioi në Harvard dhe Stanford në vitet 1990. Ai punoi në firmat amerikane Goldman Sachs dhe McKinsey përpara se të kthehej në Moskë.