Nga e marta, për tri ditë rresht, spanja është në zi, në nder të 40 personave që u humbën jetën pasi dy trena të shpejtë u përplasën në fundjavë. Përplasja e trenave, që ndodhi të dielën në mbrëmje, është aksidenti më vdekjeprurës në Spanjë që nga viti 2013, kur 80 persona vdiqën pasi një tren doli nga shinat në qytetin Santiago de Kompostela. Aksidenti i fundit ndodhi kur një tren që operohej nga kompania Iryo, që po udhëtonte nga Malaga për në Madrid, doli nga shinat afër Adamuzit në rajonin jugor të Andaluzisë. Treni doli në anën tjetër të shinave dhe u përplas me një tren që po vinte nga drejtimi i kundërt. “Kjo është një ditë dhimbjeje për gjithë Spanjën, për gjithë kombin”, tha kryeministri Petro Sanchez kur vizitoi Adamuzin të hënën dhe njoftoi për shpalljen e tri ditëve të zisë.