Kjo e mërkurë e 27 marsi shënon plot një vit nga sulmi terrorist mbi televizionin kombëtar më të madh në vend, Top Channel, ku humbi jetën punonjësi i sigurisë Pal Kola. Teksa ka kaluar plot 1 vit nga ngjarja më e rëndë e regjistruar ndaj media në vend, Policia ende nuk ka emra autorësh, të arrestuar apo të shpallur në kërkim për këtë ngjarje, ndonëse në deklarata të ndryshme publike thuhet se autoritetet janë shumë pranë zbulimit të autorëve. Një deklaratë të tillë e bëri rreth 1 muaj më parë edhe ministri i Brendshëm Taulant Balla në emisionin Top Story nga Grida Duma. Por që nga ky emision ende asgjë të re nuk duket të ketë. Ende asnjë të re mbi autorët e breshërisë me 25 plumba mbi Top Channel. Ky akt terrorist është më i paprecedenti ndaj një media kombëtare, e lidhet vetëm me misionin e saj të fjalës së lirë.