Forcat paraushtarake të Sudanit pas më shumë se një vit luftimesh morën nën kontroll një zonë kyçe në juglindje të vendit. "Ne kemi çliruar Divizionin e 17-të të Këmbësorisë nga Singa", njoftuan Forcat e Mbështetjes së Shpejtë në X. Banorët konfirmuan për AFP: se ushtarët janë vendosur në rrugët e Singës ndërsa avionët vijojnë luftimet në ajër. Sudani është përfshirë nga lufta që nga prilli 2023, kur shpërthyen luftimet midis forcave besnike të shefit të ushtrisë Abdel Fattah al-Burhan dhe RSF-së të udhëhequr nga ish-zëvendësi i tij Mohamed Hamdan Daglo. Konflikti në vendin prej 48 milionë banorësh ka vrarë dhjetëra mijëra njerëz dhe ka zhvendosur miliona të tjerë duke shkaktuar një nga krizat më të rënda humanitare në botë. Shteti Sennar tashmë është shtëpia e më shumë se një milion sudanezë të zhvendosur. Një raport i cituar nga Kombet e Bashkuara tha se gati 26 milionë njerëz në Sudanin e shkatërruar nga lufta po përballen me urinë.