Presidenti turk Recep Tayyip Erdogan ishte i ftuar i veçantë në samitin e 16 të BRICS në Kazan të Rusisë. Kjo nuk ishte hera e parë, që Erdogan mori pjesë në nja samit të BRICS si vëzhgues, por këtë radhë prania e tij fitoi një peshë të veçantë prej interesit të Turqisë për antarësimin në këtë organizatë. Ndonëse Kremlini para disa javësh deklaroi, se Ankaraja ka paraqitur një kërkesë zyrtare për antarësim, qeveria turke fillimisht e përgënjeshtroi këtë. Ministri i Jashtëm Hakan Fidan ndërkohë bëri të qartë: "Ne i kemi komunikuar BRICS, se jemi të interesuar për një antarësim." Nëse Turqia vërtetë antarësohet në këtë formacion, atëherë ky do të ishte vendi i parë i NATO-s në një aleancë jo perëndimore. Në kuadër të samitit në Kazan presidenti turk u takua për bisedime në nivel bilateral me homologun rus Vladimir Putin. Por ky takim u zhvillua nën sfondin e një sulmi mbi një kompani turke të aviacionit dhe fluturimeve në hapësirë TUSAS në Ankara. Turqia bën përgjegjëse partinë kurde të punës, PKK, të klasifikuar nga SHBA dhe BE si organizatë terroriste. Erdogan dhe presidenti Putin demonstruan menjëherë solidaritetin mes tyre dhe e dënuan sulmin, ndërkohë që Erdogandisa herë e quajti Putinin "miku im i nderuar". Putin nga ana e tij vlerësoi rolin e Turqisë në zgjidhjen e problemeve globale. Edhe pse brenda NATO-s Turqia e mban të hapur komunikimin me Putinin. Turqia është jo vetëm një partnere e rëndësishme e NATO-s, por ajo mbron krahun juglindor me rëndësi strategjike të aleancës dhe ka ushtrinë e dytë për nga madhësia në NATO. Erdogan prej vitesh ndjek gjithnjë e më shumë një politikë të pavarur, që ka për qëllim të forcojë rolin e Turqisë në skenën globale. Ndërkohë që ka shumë anëtarë të natos që e shohin me shqetësim qasjen e turqisë, dhe anëtarësimin e mundshëm të saj në BRICS e konsiderojnë në konflikt me parimet e NATO-s.