Situata epidemiologjike në vendin tonë kohët e fundit ka qenë drejt stabilizimit, ku numri i viktimave thuajse është zeruar dhe numri i rasteve të reja po ashtu ka qenë në rënie. Mirëpo, edhe pse pandemia po largohet, epidemiologët në daljet e tyre mediatike, nuk e kanë përjashtuar faktin se një variant I ri I koronavirusit mund të vijë në Shqipëri. Nën varianti BA.2 i Omicron, i cili pak muaj më parë alarmoi botën, është përhapur frikshëm në Azi dhe Afrikë. Vec kësaj, edhe në disa shtete të Europës infekimet me këtë nënvariant janë shtuar. BA,2 ka një transmetueshmëri shumë më të lartë se varianti Omicron , ndërsa shenjat e sëmundjes janë të ngjashme me ato të mutacionit Omicronin. Sa i përket situatës epidemiologjike në vend, ende nuk ka sinjale për praninë e variantit BA2 në vendin tonë. Këtë të enjte nuk pati asnjë viktimë nga koronavirusi, ndërsa u shënuan 81 raste të reja.