Autoritetet italiane besojnë se vrasja e 27-vjeçarit shqiptar në Frozinone të shtunën nuk lidhet me asnjë zënkë sentimentale mes viktimës, Kasem Kasmi dhe autorit, Mikea Zaka. Mediat matanë Adriatikut, duke cituar burime nga grupi hetimor thonë se shkaku i vërtetë i vrasjes lidhet me trafikun e lëndëve narkotike dhe betejat për territor mes grupeve rivale shqitpare. Kjo pistë është përforcuar nga fakti që në banesën e Mikea Zakës u gjetën 20 mijë euro para të thata, të cilat ai nuk i justifikon dot me punën që bën në Itali. Policia ka hapur kamerat, por ndërkohë Zaka, 23 vjeç, baba i një vajze trevjeçare, telefonon avokatin e tij, Marco Maietta, i cili i sugjeron të dorëzohet në komisariat.