Elon Musk është shpallur i pafajshëm nga akuzat e ngritura nga aksionerët e Tesla-s, që e fajësuan se kishin humbur miliarda dollarë në 2018-n kur Musk postoi në Tëitter se kishte siguruar financimin për ta kthyer në pronësi tërësisht personale kompaninë lider të prodhimit të makinave elektronike. Blerja e propozuar prej 72 miliardë dollarësh e të gjitha aksioneve nuk u realizua kurrë. Nëse do të shpallej përgjegjës, Musk mund të ishte urdhëruar të paguante miliarda dollarë dëmshpërblim. Nëntë anëtarëve të jurisë iu deshën më pak se dy orë për të marrë vendimin. Musk, i cili donte që gjyqi të zhvendosej në Teksas, ku janë zyrat qendrore të Teslas, duke argumentuar se nuk mund të merrte një gjykim të drejtë në San Francisko, e mirëpriti rezultatin.