Një episod dramatik është regjistruar në Rusi, kur një tornado mushkonjash ka mundur që të errësojë edhe diellin. Kjo ka ndodhur gjatë fundjavës dhe është fiksuar në video nga banorët lokalë. Tornadoja e përbërë nga miliona insekte, u pa në brigjet lindore të Kamcatkës, duke shkaktuar panik mes banorëve lokalë. Nga distanca, fotot e marra në rajon duket se tregonin një numër vorbullash të ngjashme me tornadon që shpërndanin pisllëk në ajër. Por, filmimet nga brenda tyre treguan se tornadot në fakt nuk ishin gjë tjetër vecse miliona e miliona insekte të padëshiruara që rrotulloheshin me shpejtësi duke krijuar një lloj vorbulle të stërmadhe.