Qeveria gjermane synon të përshpejtojë dhe thjeshtojë procedurat e blerjes së armëve dhe pajisjeve mbrojtëse, në përpjekje për të rritur gatishmërinë përballë kërcënimeve të mundshme nga Rusia. Sipas një projektligji të ri prokurimet ushtarake do të mund të zhvillohen më shpejt dhe me më pak pengesa burokratike. Ndryshimet e propozuara parashikojnë që kontratat urgjente të mos shpallen më në tender në nivel evropian, por vetëm në atë kombëtar, për të kursyer kohë. Për më tepër, edhe nëse një ofertues i pasuksesshëm ankohet ligjërisht, kontrata mund të vazhdojë të zbatohet. Ligjvënësit do të mund të nisin procedura prokurimi edhe pa pasur ende të siguruar fondet, ndërsa kërkesat për dokumentacion do të thjeshtohen për të reduktuar pengesat administrative. Pas shpërthimit të luftës në Ukrainë, Gjermania ka rritur ndjeshëm investimet për modernizimin e ushtrisë dhe rritjen e rezervave të armatimit. Shpenzimet ushtarake janë pjesërisht të përjashtuara nga rregullat strikte të borxhit dhe buxheti i Bundesëehr-it pritet të rritet çdo vit, në përputhje me objektivin e ri të NATO-s për të alokuar 5% të buxhetit për mbrojtjen, vendim i marrë këtë javë në Hagë.