Pas Austrisë, Francës dhe Holandës, Danimarka bëhet shteti i radhës i Bashkimit Europian, i cili heq kufizimet për të gjithë udhëtarët nga Shqipëria. Në faqen zyrtare të Aeroportit Kombëtar “Nënë Tereza” shkruhet e zeza mbi të bardhë se duke filluar nga data 25 Qershor, Danimarka heq të gjitha kufizimet për Shqipërinë, megjithatë janë disa kushte që duhet të plotësojnë qytetarët që synojnë të kalojnë kufirin. Qytetarët të cilët nuk janë imunizuar ende me vaksinën antiCovid, duhet të paraqesin një test negativm të koronavirusit, të kryer jo më larg se 72 orë para fillimit të udhëtimit. Për qytetarët të cilët kanë kaluar koronavirusin duhet të paraqesin testin serologjik, i cili vërteton praninë e antitrupave ndaj koronavirusit. Ndërkohë të gjithë ata të cilët janë përfgshirë në fashat e vaksinimit, duhet të paraqesin certifikatën apo çdo lloj dokumenti që vërteton vaksinimin. Pranohet certifikatë vetëm nga vaksinat e miratuara nga EMA, pra Pfizer, Moderna, AstraZeneca dhe Johnson & Johnson, duke përjashtuar Sputnik V dhe Sinopfarm, apo të tjera, me të cilën është vaksinuar shumica e popullsisë në vendin tonë. Për pasagjerët nën 15 vjeç dhe për ata që vërtetojnë rezultatin pozitiv të testit Covid 19 mes periudhës 14 ditë dhe 8 muaj nga dita e udhëtimit nuk nevojitet test Covid-i