Aktorja Olta Daku i shtohet kastit të filmit “Në kuadër të dashurisë”, ku protagonistët kryesorë do të jenë këngëtari Luiz Ejlli dhe aktorja Olta Gixhari. Olta Daku, lindur në Tiranë më 1 dhjetor 1976, është një aktore mjaft e njohur në kinematografinë dhe skenat e teatrit shqiptar. Rrugëtimi i saj në këtë fushë nisi pas viteve ’90 dhe ishte pjesë e brezit të ri të aktorëve qe do të hapnin rrugën e një gjenerate të artë në historinë e teatrit dhe ekranit. Por përveç skenës, aktorja ka eksperimentuar edhe në industrinë kinematografike ku mund ta themi me mjaft bindje që kanë qenë momente kyçe në karrierën e saj profesionale. “Në kuadër të dashurisë” do të jetë një komedi romantike, ku nuk do të mungojnë të qeshurat, por as lotët. Filmi shfaq një histori dashurie në kohët moderne që ndërlidh jetët e dy njerëzve dhe të familjeve të tyre.