Disa studiues në Britaninë e Madhe thonë se kanë krijuar një test të ri më të mirë se ai PCR për të parë nëse një person është apo jo i infektuar. Ky test I ri sipas tyre, shikon nëse virusi tek një person I caktuar vazhdon ose jo të jetë ngjitës. Ky zhvillim në Britaninë e Madhe vjen një ditë pas njoftimit të qeverisë britanike për reduktimin e numrit të ditëve që njerëzit duhet të izolohen, në vetëm pesë ditë. Shkencëtarëve në universitetin ‘Exeter’ iu kërkua të prodhonin një test PCR më të ndjeshëm nga ato në qarkullim. Ata përshtatën testin ekzistues dhe e aplikuan atë në mostrat e marra nga 176 pacientë të shtruar në spital, për të zbuluar nëse virusi ishte ende aktiv. Sa i përket testve PCR të cilat janë përdorur nag të gjitha klinkat dhe spitalet gjatë përiudhës së pandmeisë, zbulojnë materialin gjenetik nga një organizëm specifik, siç është koronavirusi. Testi jo vetëm që zbulon praninë e një virusi nëse jemi të sëmurë me COVID-19 apo nëse jemi infektues në atë periudhë, por ai gjithashtu mund të zbulojë fragmente të virusit edhe pasi nuk jemi më infektues.