Avionët ushtarakë të forcave ajrore mbretërore në britani do të zbresin në aeroporte civile në stërvitjen më të madhe në 30 vitet e fundit për tu përgatitur për një luftë me Rusinë. Top Gun-ët (Top ganët), janë urdhëruar të nisen në fluturim pa paralajmërim për të praktikuar reagimin e tyre ndaj një sulmi të papritur të stilit të Pearl Harbor-it (Përl Harbor-it). Avionët Typhoon (tajfun) dhe F-35B Lightning (lajtning) mund të ulen edhe në autostrada, pista garimi apo parkingje makinash, në të parën stërvitje të paparalajmëruar që nga fundi i Luftës së ftohtë. Avionët 100 milionë paundësh do të ndahen në skuadra të vogla për të reduktuar rrezikun që skuadrone të tëra të mund të goditen në një sulm të vetëm me raketa kruiz hipersonike. Ushtarakët britanikë thonë se duhet të përgatiten për skenarin më të keq të mundshëm.