Një spiune ruse ka mundur të infiltrohet mes personelit të bazës së NATO-s në Napoli dhe flotës së gjashtë amerikane. Kështu shkruan e përditshmja italiane la Repubblica, në përfundim të një hetimi të kryer në bashkëpunim me faqen investigative të lajmeve Bellingcat, të përjavshmen gjermane der Spiegel dhe The Insider. Protagonistja e asaj që po përcaktohet si operacioni më i bujshëm i inteligjencës i realizuar nga Moska në Itali, shkruajnë autorët e hetimit, është 30 vjecarja Maria Adela Kuhfeld Rivera, e lindur në Peru nga një baba gjerman. Por, bëhet fjalë për një identitet të rremë: emri i vërtetë i saj është Olga Kolobova, vajzë e një zyrtari rus. “Gjurma kryesor që e lidh me shërbimet sekrete të moskës – shpjegon Republica, është pasaporta ruse e përdorurt për të hyrë në itali: i përket të njëjtës seri të posacme të përdorur nga 007-tat e GRU-së, inteligjencës ushtarake ruse nën urdhërat e kremlinit. “Hetimi ynë – pohon e përditshmja – nuk ka qenë në gjendje të zbulojë se cilat informacione janë marrë nga spiunia, as nëse ajo ka qenë në gjendje të fusë viruse informative në telefonat dhe kompjuterat e miqve të saj. Por ajo ka hyrë në kontakt me figura të rëndësishme të NATO-s dhe marinës amerikane: asnjë agjent rus deri më tani nuk kishte mundur të depërtonte kaq thellë në aleancën atlantike. E reja, sipas la Republica-s flet gjashtë gjuhë të huaja dhe kishte ngritur edhe një firmë për prodhim bizhuterish, por më pas u përfshi në qarqet mondane në Napoli dhe më në fund u infiltrua mes personelit të bazës së natos dhe flotës së gjashtë amerikane, ose krahut operativ të fuqisë ushtarake perëndimore në Evropë.