79 vjet nga masakra e “4 Shkurtit” segmenti rrugor nga Banka e Shqipërisë deri te lumi i Lanës, merr emrin “Dëshmorët e 4 Shkurtit”. Kryetari i Bashkisë së Tiranës, Erion Veliaj, priti në zyrë përfaqësuesit e organizatave Kombëtare të Veteranëve dhe familjarë të dëshmorëve të "4 Shkurtit". “Jam shumë krenar për Këshillin Bashkiak që vendosëm të rikthejmë dinjitetin në vend, të zhbëjmë një padrejtësi me emërtesat në Tiranë. Është fakt se Tirana pati 86 viktima, të cilët njihen si ‘Dëshmorët e 4 Shkurtit’. Është fakt se rruga ka qenë gjithmonë aty, ndaj rikthimi i emërtimit për segmentin nga Banka e Shqipërisë deri te Lumi i Lanës, si rrugë paralele me Bulevardin “Dëshmorët e Kombit”, rikthen këtë padrejtësi të bërë ndaj familjeve, ndaj dëshmorëve, dhe atyre që besojnë te kauza e anti-fashizmit”