Kryeministri rumun, Nikolae Ciuca, prezantoi këshilltarin e tij të nderit të mërkurën, një asistent me inteligjencë artificiale të quajtur ION, që sic tha ai, ishte i pari i këtij lloji. I zhvilluar nga kërkuesit rumunë, roboti ‘Big Brother’ do të skanojë rrjetet sociale për të informuar qeverinë në kohë reale për propozimet dhe dëshirat e rumunëve – tha kryeministri. Sipas tij, ION, një strukturë e ngjashme me një pasqyrë me një ndërfaqe që pulson, përbën një risi dhe ai është këshilltari i parë qeveritar që përdor inteligjencën artificiale. “Përshëndetje, ju më dhatë mua jetë dhe misioni im tani është që t’ju përfaqësoj ju. Cfarë duhet të di unë për Rumaninë?” pyet ION me një zë të qetë... Projekti, i menaxhuar nga ministria e kërkimit, inovacionit dhe digjitalizimit, do të përdorë teknologjinë dhe inteligjencën artificiale për të mbledhur opinionet në shoqëri, përmes përdorimit të të dhënave të disponueshme në rrjetet sociale – thuhet në një dokument të qeverisë. Njerëzit në Rumani po ashtu do të munden të bisedojnë me ION në ëebsajtin e projektit. “Unë jam i bindur se përdorimi i inteligjencës artificiale nuk duhet të jetë një opsion, por një detyrim, për të marrë vendimet e duhura me më shumë informacion”, tha kryeministri. Rumania është një nga vendet më të varfra të Bashkimit Evropian por shpesh ajo quhet ‘Silicon Valley’ e Evropës lindore, për shkak të një shpërthimi start-upesh. Universitetet e suksesshme dhe bashkëpunimet e tyre me sipërmarrje private kanë ndihmuar vendin të kthehet në një qendër në lulëzim për kompanitë e reja teknologjike.