Një raketë e nisur nga siria shpërtheu në izraelin jugor, pranë një reaktori sekret bërthamor në vend, duke shkaktuar shqetësim. Sidoqoftë, ushtria izraelite nuk ka raportuar të lënduar apo dëme materiale ndërkohë që i është përgjigjur sulmit sirian me një seri raketash. Një raketë tokë-ajër nisur nga Siria shpërtheu të enjten në jug të Izraelit, një incident që aktivizoi sirenat paralajmëruese në një zonë që ndodhet pranë reaktorit bërthamor sekret të Dimonas. Lajmi u njoftua nga ushtria izraelite. Deri tani nuk ka njoftime për të plagosur apo dëme materiale. Ushtria izraelite bëri të ditur se iu përgjigj sulmit me një seri raketash lëshuar në drejtim të Sirisë, përfshirë edhe vendi nga i cili u nis raketa që goditi Izraelin jugor. Në Siri Agjencia Shtetërore e Lajmeve njoftoi se mbrojtja ajrore e vendit arriti të shënjestrojë e rrëzojë shumicën e raketave izraelite të cilat sikurse u tha shënjestruan zonat në periferi të Damaskut.