Ndërsa 1.4 miliardë katolikët e botës po mbajnë zi për vdekjen e liderit të tyre, papa franceskut, kanë nisur tashmë spekulimet lidhur me pasuesin e mundshëm të tij. Kandidatët për të pasuar Papa Françeskun vijnë nga të gjitha kontinentet. Ata që vlerësohet se kanë më shumë shanse vijnë nga Azia, Afrika, Amerika e Veriut dhe Evropa. Papa zgjidhet në një proces sekret dhe rreptësisht të ritualizuar, të quajtur konklavë, që mbahet në Kapelën Sistine në Vatikan. Të drejtë vote kanë vetëm kardinalët nën moshën 80 vjeç dhe në votim marrin pjesë rreth 120 kardinalë. Por kush janë pretendentët më seriozë. I pari është kardinali Luis Antonio Tagle, 67 vjec. I quajtur "Françesku i Azisë" për shkak të fokusit të tij në drejtësinë sociale, Tagle shihet në disa qarqe si më i preferuari për t'u bërë Papa i parë nga Azia, ashtu si Françesku ishte Papa i parë nga Amerika.