Cfarë të përbashkëte ka një qytet i prekur nga lufta në ukrainën lindore me Nju Jorkun? Thuajse në cilindo aspekt, asgjë. Nuk ka gradaciela, nuk ka taksi të verdha dhe as muzeume të famshme në të gjithë botën. Por kjo nuk i ka penguar baorët lokalë në Novhorodske, afër Donetskut, që të kërkojnë të ndryshojnë emrin e tij, në Nju Jork. Një komision parlamentar e ka miratuar tashmë ndryshimin por ai duhet të dalë tani para deputetëve në mënyrë që të vendoset. Qyteti është themeluer nga kolonizatorë gjermanë dhe u shfaq për të parën herë në hartë në 1846-ën, me emrin Nju Jork. Ai u rrit nga vetëm pak shtëpi që kishte për tu bërë qendra e disa kolonive gjermane. Kolonitë, thuhej se ishin shumë fetare dhe bënin një jetë të përjashtuar nga të tjerët. Ato kishin shkollat e tyre dhe u pasuruan duke prodhuar ushqime dhe makineri bujqësore. Gjermanët nisën të largoheshin nga ukraina pas revolucionit rus dhe më pas, gjatë luftës së dytë botërore u dëbuan nga sovjetikët. Era e pas luftës dhe lufta e ftohtë bënë që emri i qytetit të ndryshonte. Nju Jorku u bë Novhorodske në 1951. Tani banorët duan sërish emrin e vjetër...