Shikimi i fëmijëve po përkeqësohet vazhdimisht me një në tre fëmijë që nuk mund të shohin larg ose janë të paaftë ti shohin qartë gjërat në distancë, sugjeron një analizë globale. Studiuesit thonë se izolimet e Covid-it kishin pasoja negative në shikim pasi fëmijët shpenzonin më shumë kohë para ekraneve dhe më pak kohë jashtë. Shkurt-rpamja, ose miopia, është një shqetësim global shëndetësor në rritje, i cili pritet të prekë miliona fëmijë të tjerë deri në vitin 2050, paralajmëron studimi. Normat më të larta të miopisë janë aktualisht në Azi - 85% e fëmijëve në Japoni dhe 73% në Korenë e Jugut janë miopë me më shumë se 40% që janë të prekur në Kinë dhe Rusi. Paraguai dhe Uganda, me rreth 1%, kishin nga nivelet më të ulëta të miopisë, me Mbretërinë e Bashkuar, Irlandën dhe SHBA-në që renditeshin të gjitha rreth 15 përqindëshit. Studimi, i botuar në revistat shkencore, shqyrtoi kërkime që përfshinin më shumë se pesë milionë fëmijë dhe adoleshentë nga 50 vende të botës në të gjashtë kontinentet. Të dhënat treguan se miopia u trefishua mes 1990 dhe 2023 - duke u rritur në 36%.