Në tremujorin e dytë të vitit 2026, paga mesatare mujore bruto për një të punësuar me pagë në Shqipëri arriti në 92 mijë e 150 lekë. Sipas të dhënave të raportuara nga INSTAT, shifra përbën një rritje me gati 10 për qind krahasuar me të njëjtën periudhë të vitit të kaluar. Megjithatë, të dhënat tregojnë se shpërndarja e rritjes së pagave ka qenë e pabarabartë. Në sekotrin e ndërtimit, pagat u rritën më shumë, me 22 për qind, ndërsa sektori i shërbimit dhe argëtimeve raportoi rritjen më të ulët me 6.4 për qind. Përveç kësaj, shifra e personave me pagë minimale mbetet ende e lartë. Sipas INSTAT, një në katër të punësuar në Shqipëri paguhet 50 mijë lekë, teksa grupi i personave që përfshihen në kategorinë e pagave të larta mbi 120 mijë lekë përbën 17 për qind të totalit të të punësuarve. Aktivitetet ekonomike me pagë mesatare më të lartë se mesatarja kombëtare janë mbeten të njëjta, më konkretisht sektori financiar dhe i sigurimit me pagë mesatare mbi 187 mijë lekë dhe informacione dhe komunikimi me pagë mesatare mbi 143 mijë lekë.